歐陽妙芝Gary大讚學生有創意

日前，名模歐陽妙芝（Christine）和著名化妝師Gary Chung出席其化妝學校Portfolio舉辦的首個迎新日。除了玩遊戲外，還邀請舊生搞了一個小型的化妝Catwalk比賽，二人則擔任評判，結果以太空人為主題的Model和化妝師奪得冠軍。事後Gary笑言本來打算玩迎新營，但最後怕落妝見人，只搞迎新日。而歐陽妙芝認為今年好成功，如果明年要繼續，即使要過夜，他們都會盡量配合。 當日約有25名中六生參加，Gary稱：「以前多數係OL報讀，但今年多咗好多中六生報名，咁我公司Marketing同事話搞O Camp（迎新營）配合番，我嚇到鼻哥窿都無肉，驚冇得落妝又冇得吹頭，所以搞O Day（迎新日）玩一日就算。」 學校添新課程 當日除了互相認識、玩下閃避球等遊戲，重點環節是過往畢業生的化妝Catwalk比賽，並由歐陽妙芝和Gary擔任評判，結果由以太空人為主題的Model和其化妝師奪得冠軍。　　 歐陽妙芝稱：「好有創意，個妝化得好仔細，仲配合埋成個造型好有心思。」之後兩人更與新生分享修讀此課程的心得。Gary給予Tips說：「除咗學化妝，仲要學Set頭同形象指導，咁先夠全面，o依家興寫埋Blog同拍片。」 由於現時學化妝的人愈來愈年輕化，歐陽妙芝自爆：「其實我9歲細仔（方玉亨）化妝都好叻，因為佢成日睇Gary點化，連假眼睫毛都識黐。」嚟緊學校會增添新課程和日校班，他們均稱有排忙。